2:1 ҳисобида ютиб туриб якунда ютқазиб қўйдик. Ҳозирча мағлубият сабаблари ҳақида фикр юритмоқчи эмасман. Негадир кечаги мағлубият етти йил олдинги ўйинни эсга солди.

2012 йил, 14 март санаси. Олимпиада ўйинларига саралаш босқичи. Ўзбекистон - БАА 2:3. Бош мураббий Вадим Абрамов эди. "Жар" стадионида кечган баҳсда 2:0 ҳисобида олдинда бораётиб якунда 2:3 ҳисобида ютқазиб қўйганмиз. Ўшанда Аҳмад Халил деган футболчи иккита гол уриб кетган. Ҳаво совуқ эди, адашмасам қор ҳам ёққанди. Қизиғи шундаки, ўша ўйинни япониялик ҳакам Масааки Тома бошқарган. Факт шуки, якунда Олимпиада ўйинларига бора олмаганмиз.

2019 йил, 14 ноябрь санаси. (Уёқда ҳам 14, буёқда ҳам). Жаҳон чемпионатига саралаш босқичи. Ўзбекистон - Саудия Арабистони 2:3. Бош мураббий яна Вадим Абрамов. "Пахтакор" стадионида бўлиб ўтган учрашувда 2:1 ҳисобидаги ғалабани ушлаб қола олмадик. Кечаги баҳсда Салман Фараж деган футболчи иккита гол уриб кетди. Ҳаво сал совуқ бўлди, лекин қор ёғмади. Қизиғи, кечаги баҳсни ҳам япониялик ҳакам Рюжи Сато бошқарди.

Кечаги ўйин ва 7 йил олдинги воқеа