Бу ҳақида у "Арсенал" устидан қозонилган ғалабадан сўнг маълум қилди. У Сульшернинг истеъфосидан сўнг жамоада вақтинча бош мураббий вазифасини бажариб келаётганди.

Энди Кэррик Ральф Рангникнинг мураббийлар штабида ишламаслиги маълум бўлди.

Кэррик 2006-2018 йиллар ичида манчестерликлар учун 464 та ўйин ўтказган. Беш маротаба Англия чемпиони бўлган, 2008 йилда эса ЕЧЛда ғолиб чиққан. 2018 йилда футболчилик фаолиятини якунлаган. Шундан сўнг у аввалига Моуриньо, кейин эса Сульшернинг ёрдамчиси сифатида мураббий бўлиб ишлаган.

"Бундай ажойиб клубда ўтказилган давр мен учун доимо энг зўри бўлиб қолади. 15 йил олдин шартнома имзолаганимда, бунчалик кўп соврин ютаман деб умуман ўйламагандим.

Албатта футболчи ёки мураббийлар штаби аъзоси сифатида бундай фантастик хотираларни унутмайман.

Узоқ ўйлаганимдан сўнг, клубни тарк этиш вақти айнан ҳозир эканлигини тушундим. Бу 100 фоиз ўзимнинг қарорим", - деди Кэррик.

Кэррик ғалабадан сўнг МЮдан кетди. У 15 йилдан буён клубда эди