Ушбу гол футболчи учун Англия чемпионати доирасидаги 200та ўйинда 137-гол бўлди. Бу борада "Манчестер Сити" форварди Серхио Агуэро (138) кўпроқ гол урган.

Аммо, Кейн бу кўрсаткич бўйича "Арсенал" собиқ форварди Тьерри Анри (131), шунингдек "Ливерпуль" собиқ футболчилари Майкл Оуэн (110) ва Робби Фаулер (109)лардан олдинда.

Бундан ташқари, "Вест Хэм" дарвозасига урилган гол Кейн учун Лондон дербиларидаги 30-гол бўлди. Фақатгина "Вест Хэм" ва "Тоттенхэм" собиқ форварди Тедди Шерингам, "Челси" собиқ ярим ҳимоячиси Фрэнк Лэмпард (иккиси ҳам - 31) ва Тьерри Анри (43)лар кўпроқ гол уришган.

Эслатиб ўтамиз, Кейн кеча 28 декабрдан бери илк бор майдонга тушди. Футболчи жароҳати туфайли ярим йилни ўтказиб юборди.

Кейн АПЛдаги 200 ўйинда 137та гол урди. Ундан фақат Агуэро кўпроқ урган