Valve компанияси афсонавий Dust 2ни CS:GO турнирларида фойдаланиладиган ҳудудлар орасидан чиқариб юборди.
Valve компаниясининг эълон қилишича, расмий киберспорт турнирларида фойдаланиладиган Dust 2 икки жамоага тенг имконият берадиган - Active Duty рўйхатидан чиқарилади. Унинг ўрнига Inferno ҳудуди қўшилди.
Кўплаб профессионал киберспортчилар Valve қароридан норози. Ўйинчиларнинг сўзларига кўра, Active Duty рўйхатида кўпчиликка ёқмайдиган, икки жамоага тенг имконият яратмайдиган Cobblestone ҳудуди бор. Dust 2 ўрнига киритилган Inferno ҳудудини эса мувозанатли деб ҳисоблашмаяпти. Аммо бундан хурсанд бўлган киберспортчилар йўқ эмас.
Dust 2 профессионал турнирларда фойдаланиш таъқиқланди, аммо оддий ўйинларда уни ўйнаш мумкин.
Профессионал киберспортчилар энди Inferno ҳудудида тер тўкиб машқ қилишига тўғри келади. Янгиланган ҳудудлар 12-15 февраль куни бўлиб ўтадиган, соврин жамғармаси 450 минг доллар бўлган DreamHach Masters турнирида илк маротаба фойдаланилади.
Изоҳлар