Бугун ушбу ўйинда катта ютуқларга эришган Артур Бабаев ("Arteezy") ҳақида ҳикоя қилмоқчимиз.

Артур Бабаев 1996 йил 1 июль куни Тошкентда туғилган. Кейинроқ унинг оиласи Канадага кўчиб кетади. Артур Dota 2 билан профессионал тарзда шуғулланишидан аввал ҳам марказда ўйновчи машҳур киберспортчилардан бири бўлган. Унинг илк жамоаси "Kaipi" эди. Бабаев "MLG Championship Columbus"даги сенсацион ғалабасидан сўнг, машҳур бўлиб кетди. 2014 йилда 18 ёшли йигитча жаҳоннинг энг кучли киберклубларидан бири ҳисобланган "Evil Geniuses" (EG) билан шартнома имзолайди.

Ўша пайтда Fear (киберспортчи)нинг EGни вақтинча тарк этиши жамоага таъсир қилгани йўқ, чунки Артурнинг ўйини бунга имкон бермади. Артур Бабаев фаолияти давомидага ўйинларнинг 70%да ғалабага эришган.

"Arteezy" (Артур Бабаевнинг ўйиндаги ники) агрессив ўйини билан бошқалардан ажралиб туради. Артур Бабабевнинг ҳозиргача ишлаб топган шахсий пул ютуғи деярли 900 000 АҚШ долларини (895 515 $) ташкил қилади.

Айни дамда Артур EG билан "The Boston Major 2016" турнирида иштирок этиомқда. 7 декабрь куни улар ушбу мусобақа плей-офф босқичида "Wings Gaming"га қарши ўйнашади.

Киберспорт. Фаолияти давомида деярли 900 000 доллар ишлаб топган 20 ёшли ўзбекистонлик