"Ливерпуль" клуби бош мураббийи Юрген Клопп ўз жамоаси Англия кубоги чорак финал ўйинида нега МЮга ютқазиб қўйгани ва бўлажак тўқнашув ҳақида гапирди.

"Буни ўша ўйиндан кейин ҳам айтгандим – МЮ кубок ўйинини фаол бошлаганди. Кейин ташаббусни биз қўлга олдик. Қўшимча бўлимларда эса МЮга кучимиз етмади. Яхши хабар шундан иборатки, бу сафар қўшимча бўлимлар бўлмайди. Кубок ўйинида қўшимча бўлимлар биз учун жуда кўплиқ қилганди, МЮ билан кураша олмай қолгандик.
"Манчестер Юнайтед" – энг кучли уй жамоаси. Буни ҳаммамиз биламиз. Лекин аввалги ўйин каби маълум дақиқаларда худди ўша ишни қайтарамиз дея олмайман. Футбол осон ўйин эмас. Биз "Манчестер Юнайтед"га муаммолар туғдиришимиз керак. Бундай рақиб билан, бу каби стадионда натижага эришмоқчи бўлсак, ростдан ҳам жуда яхши футбол кўрсатишимиз керак", -дейди Юрген Клопп.

Маълумот учун, АПЛ 32-туридан ўрин олган "Манчестер Юнайтед" – "Ливерпуль" учрашуви 7 апрель куни ўтказилади.

Клопп: "Манчестер Юнайтед" – энг кучли уй жамоаси. Буни ҳаммамиз биламиз"