Мерсисайдликлар жорий мавсум Англия лига кубогини ютишга эришди ва АПЛ ҳамда Чемпионлар лигасида ҳам курашни давом эттиришмоқда.

“Ақл бовар қилмас ҳолат. Менимча, биринчи тайм бу ерда фаолиятимдаги энг яхшиларидан бири бўлди. Ҳаммаси тўғри бажарилди, керак пайтда гол урдик, қойилмақом услубда ўйнадик. Менга барчаси жуда маъқул келди.
2-бўлим эса “Ман Сити”нинг голи билан бошланди. “Сити”ни хурмат қиламиз, уларни мағлуб этиш қийин, аммо кийиниш хонамиздаги йигитлар туфайли бунга доимо имкон бор.
Тўртта титул қўлга киритишимизга ишонмайман. Ғалаба дегани, бизни олдинда навбатдаги ўйин кутаётганини англатади. “Астон Вилла” билан ўйнаймиз, кейин эса бошқа учрашув. Ўйлашимча, бизда бўш ҳафта йўқ. Ҳа, бу жуда мураккаб, лекин буни кимга қизиғи бор? Бу ерга келдик ва финалга йўл олдик.
Финалга чиқиш оғир, аммо 4 та совринни қўлга киритиш ундан ҳам оғир. Биз дунёнинг айни вақтдаги энг яхши жамоасини мағлуб этдик. Бу алоҳида аҳамиятга эга лаҳза”, дейди немис мутахассиси.

Клопп: “Олтин покер” қилишимизга ишонмайман”