Тактика ва футболчилар жойини сир сақлаш учун мураббийлар штаби айёрликка қўл урди.

Кореялик футболчилар очиқ машғулотда рақамсиз қора либосларда шуғулланишди.

Син Тхе Ённинг фикрича, айғоқчилар унинг ғояларини била олишмайди - улар жанубий кореялик футболчиларни ажрата олишмайди.

"Жамоамиз хотиржам. Агар ўйлаганимизни амалга ошира олсак, натижага эришамиз!

Барча мураббийлар рақиб уларнинг жамоасини кузатаётгани ҳақида ўйласа керак.

Жанубий Корея терма жамоаси футболчиларининг либосида тўрт хил рақам. Бу шведларни чалғитиш учун. Атайин формадаги рақамларни алмаштирдик - европаликлар кореялик ўйинчиларни ажратиши қийин. Бундан фойдаланишга уриндик.

Эртага Швеция сафида ким майдонга тушишини биламиз. Швеция эса Корея таркибида кимлар ўйнашидан бехабар".

Жанубий кореяликларнинг ҳавотири бекор эмас экан. Швеция терма жамоаси бош мураббийи ассистентларидан бири Лассе Якобссон Осиё жамоасини Австриядаги йиғиндан бери кузатиб юргани маълум бўлди.

Бироқ шведлар устози Янне Андерссон тезда уни оқлади: "Лассе Жанубий Корея тактикасини ўрганиш билан шуғулланди. У машғулот ёпиқ эканлигини билмаган. Буни нотўғри тушунганлардан узр сўрайман".

Шведлар ЖЧ-2018дан олдин психолог билан ишлагани аниқланди. Бироқ бош мураббийнинг сўзларига кўра, у спорт масалалари бўйича маслаҳатчи экан.

Биринчи ўйин натижасига кўра, шведларнинг тайёргарлиги фойдалироқ бўлиб чиқди.

Кореяликлар рақибни чалғитиш учун рақамларни алмаштиришди