Гап шундаки, Дзюба ўз интервьюларининг бирида, "Спартак"да шундай инсонлар борки, улар учун клуб ҳеч қандай роль ўйнамайди",- деган эди.

"Унинг бу фикрлари мени ранжитди. Фаолиятимни давом эттираётган кезларим, собиқ жамоа ва мураббийга нисбатан хунук фикр билдириш одобсизликка кирарди. Биз билан ҳам турли ҳолатлар бўлган. Жамоадан хафа кетган ўйинчи ва мутахассисларни кўрардик. Лекин камдан - кам ҳолларда ички низони ташқарига олиб чиқишарди. Биз бунга виждонан ҳаққимиз йўқ эди деб билар эдик. Айниқса, сен ўзинг тарбия топган клуб ҳақида гапирсанг", - дейди Ковтун.

Сўзида давом этар экан, бир неча маротаба Россия чемпиони бўлган ҳимоячи шундай дейди:

- Бугунги ёшлар бошқача тарбия топишяпти. Ҳаётга бошқача кўз билан қарайдилар, адолатпарвар кўринадилар. Дзюбанинг фикрига нима дейишим мумкин, Ҳурматсизлик, англашилмовчилик? Бирон бир гап айтишга ожизман. У биринчи маротаба бундай йўл тутмаяпти, шунинг учун унга бу борада ўйлаб гапиришни маслаҳат бераман.

Эслатиб ўтамиз, уч карра Россия чемпиони айни пайтда "Тосно" клубининг бош мураббийи ҳисобланади.У 1994-2003 йиллар оралиғида Россия терма жамоаси шарафини жами 50та учрашувда ҳимоя қилган.

Ковтун: "Дзюба фикрини ўйлаб гапириш керак"