"Ливерпуль"нинг ҳужум чизиғини инобатга олиб, уларнинг ғалаба қозонишига мутлақ ишоняпман. "Манчестер Юнайтед"да имкониятлар йўқ деб ҳисоблайман.
Магуайр ва Шоунинг "Бавария" билан ўйинда олган жароҳати эса тен Хаг учун жиддий зарба бўлди. МЮ фақатгина қарши ҳужумларга ишонибгина ғалаба қозониши мумкин эди. Бироқ бунинг учун ҳужумчилар тезроқ бўлишлари керак.
Балки Антони бу сафар ўзини кўрсатиб, ўткир бурчаклардан гол уриб кетар, бироқ у ушбу мавсумда гол урганича йўқ. Гарначодан яхши вазиятлар кўришимиз мумкин. Унинг ҳужум темпи "Ливерпуль"нинг ўнг қанотига хавф сола олади.
"Юнайтед" ҳужумида комбинациялар йўқ. Улар ушбу мавсумда лиганинг 16 ўйинида атиги 18 гол уришди, улар мавсумда ҳимоячиларга катта хавф туғдира олишмаяпти. Ундан ташқари, "Юнайтед" турнир жадвалининг юқори қисмидаги жамоаларни мағлуб қила олмаяпти. Ҳатто ҳакамлар уларнинг фойдасига кўпроқ қарор чиқаришса ҳам, ғалаба қозона олишмайди.
"Ливерпуль" эса турнир жадвалининг юқори қисмида бекорга тургани йўқ. Улар чемпионлик учун ҳаракат қилишмоқда. Тахминим: 4:0", - деб ёзади "Челси"нинг собиқ футболчиси.

Крис Саттон "Ливерпуль" - "Манчестер Юнайтед" учрашуви натижасини тахмин қилди