Португалия терма жамоаси ва "Ал Насср" ҳужумчиси Криштиану Роналду АҚШ президенти Дональд Трамп билан бугун, 18 ноябрь куни Оқ уйда учрашувини ўтказади, деб хабар қилмоқда The Sun.

Аввалроқ, Роналду 47-президент билан учрашишга қизиқиш билдирган эди. Ҳужумчи 2017 йилдан буён АҚШга бормаган, чунки у 2009 йилда АҚШ фуқароси Кэтрин Майоргини зўрлашда айбланиб келган. Бироқ 2019 йилда маҳаллий прокуратура футболчига қўйилган айбловларни асоссиз деб топди, 2023 йилда эса Роналду такрорий даъводан сўнг тўлиқ оқланди.

16 ноябрь куни Роналду дисквалификация туфайли Португалия терма жамоаси сафида ЖЧ-2026 саралаш ўйинида Арманистонга қарши майдонга тушмади. Бу ўйинда унинг жамоаси 9:1 ҳисобида ғалаба қозонди. Ушбу ғалаба туфайли Португалия 2026 йилда АҚШ, Канада ва Мексикада бўлиб ўтадиган жаҳон чемпионатига йўлланма олди. Жамоа 13 очко тўплаб, F гуруҳида биринчи ўринни эгаллади.

Криштиану Роналду Дональд Трамп билан учрашади