Роналду 33 ёшда ва у ҳали ҳам рекордлар ўрнатишни давом эттирмоқда, бир неча ҳафта олдин эса кетма-кет учинчи марта "Реал" Чемпионлар лигаси финалида ўйнашига хисса қўшди.

Овқатланиш худди машғулотлар каби футболчи ҳаётида муҳим ролни ўйнайди ва ўйинчини оптимал формада ушлаб туради.

Криштиану Роналду идеал формада бўлиш учун нималар тановул қилиши сирини очди. Асосийси - тез-тез овқатланиш, аммо оз-оздан. Роналду бир кунда 6 марта овқатланади, бироқ белгиланган порциялар бўйича. Кундузги бир ёки бир ярим соатлик уйқу ҳам керак.

Албатта, нонушта футболчилар учун энг муҳим тановуллардан бири ҳисобланади, шу сабабли Роналду ўзини энергия билан тўлдириш ва ажойиб формада бўлиш учун етарлича овқат ейди.

Криштианунинг нонуштаси қуйидагилардан иборат: Турли ветчиналар ва пишлоқ, круассанлар, бутерброд, йогурт ва кўп мевалар.

Роналду тушликка балиқли таомларни хуш кўради. Португалияликнинг севимли таомларидан бири "bacalhau braz", унда треска балиқ, пиёз, картошка ва тухум бўлади.

Криштиану алкоголдан, ширинлик ва қайта ишланган маҳсулотлардан фойдаланмайди. Роналду учун оқсил ва витаминлар муҳим, шу сабабли португалиялик бу нарсалар бор таомларга катта эътибор беради.

"Мен бутун маҳсулотлар, масалан янги мева, сабзавотларни тановул қилишни истайман" - дейди футболчи.

Айтганча, Рон кундузи бутерброд ва шпрот ейишни яхши кўради.

Криштиану Роналду идеал формада бўлиш учун нима тановул қилади?