"Бугун кескин учрашувни гувоҳи бўлдик. Иккинчи бўлимда ўйинимиз ўзгариб кетди натижада иккита гол ўтказиб юбордик. Шунга қарамай, 60 дақиқа биз яхши ўйнадик деб ўйлайман. Пенальтидан ҳисобни қисқартирган бўлсакда, дурангга эриша олмадик", - дейди Гросс.

- Икки нафар етакчи футболчингизсиз қийналдингизми?

- Бу нарса бизга баҳона бўла олмайди. Бугунги муаммо етакчиларда эмас, ўша 60 дақиқа ўйинимизни 90 дақиқага етказа олмаганимизда бўлди. Футболчини сафдан тушиб қолишини яхши клуб муаммо сифатида кўрсатиши керак эмас. Ундан ташқари Саудия Арабистони чемпионлиги учун ҳам кураш олиб бораётганлигимизни инобатга олсак, бундай ҳолатларга доимо тайёр туришимиз керак.

- Ўша 60 дақиқа, нима учун 90 дақиқага чўзилмади?

- Сабаби "Насаф" ҳам яхши жамоа. "Насаф"нинг ярим ҳимоя чизиғи кўп ҳолларда режаларимизни ўзгартирди.

- Бугунги "Насаф"нинг қайси футболчисини ўз сафингизда кўришни истаган бўлардингиз?

- Аввало бу тўғри савол эмас. Ундан кейин "Насаф" жамоа сифатида яхши ўйнади.

Нодирхўжа Юлдашев.

Кристиан Гросс: "60 дақиқа яхши ўйнадик"