Украинанинг "Кривбасс" жамоаси дарвозабони Игор Омелченко Словенияда ўтказилаётган ўқув-машғулот йиғинини тарк этди ва Украинага қайтмади.

Клуб посбон билан боғланди, аммо у амалдаги шартномага қарамасдан жамоа сафига қайтмаслигини маълум қилди. Маълум қилинишича, "Кривбасс" 19 ёшли футболчини Украинага қайтариш ҳаракатларини давом эттирмоқда.

Омелченко ўтган мавсумда Украина U19 чемпионати доирсида 25 та учрашувда иштирок этган эди. УПЛ учрашувлари учун асосий жамоа қайдномасига бир неча бор киритилган бўлса-да, майдонга туширилмаган. "Кривбасс" жамоаси 2024/25-йилги мавсумда УПЛ турнир жадвалида бешинчи ўринни эгаллаган эди.

"Кривбасс" дарвозабони Европадаги йиғин давомида қочиб кетди