"De Telegraaf" хабарига кўра, футболчи пичоқ билан ҳужум қилганликда ва танага оғир тан-жароҳати етказганликда гумонланмоқда. Ҳодиса июль ойида Абкауддаги оилавий базм пайтида бўлган. Ўшанда номаълум сабабга кўра, оилавий жанжал юзага келган ва Промес бир инсонга пичиқ уриб, тан жароҳати етказган. Уйдагилар тезда жанжалга барҳам беришган.

Ёзилишича, Промес ўша инсоннинг тиззасига пичоқ тиқиб олган. У бир ой олдин бу борада гувоҳлик берган, шундан кейин тезда бу борада жиноий иш очилганди. Агарда ушбу жиноят исботланса, футболчи камида 4 йилга қамалиши мумкин.

Футболчининг ҳибсга олинганини полиция вакили Желмер Гирдс ҳам тасдиқлади. У камида 3 кун изоляторда сақланади. Шундан кейин муддат янада кўпайтирилиши мумкин.

Промес 2014-2018 йиллар давомида "Спартак" таркибида ҳаракат қилган. Ушбу мавсумда "Аякс" таркибида Нидерландия чемпионатида 12 ўйинда 5 гол урди.

Квинси Промес пичоқ билан тан-жароҳати етказгани учун ҳибсга олинди