Ўтган турда мусобақа етакчиларининг очко йўқотиши, кутилмаган натижалардан сўнг бу турда бизни “Эль-класико” кутиб турганини инобатга олсак шубҳасиз Испания чемпионати АПЛ дан қолишмаётгани кўринади. Келинг, олдимизда бизни кутиб турган турнинг превюсини сизларга ҳавола этамиз.

23.10 23:59 (Тошкент вақти) “Эльче” – “Валенсия”

Дастлаб турнир жадвалига назар соладиган бўлсак ҳар икки жамоа ёнма-ён турганини кўришимиз мумкин. Ўтган турда “Эльче” ҳам, “Валенсия” ҳам меҳмонда ўз ўйинларини ўтказишди ва “Эльче”да ғалаба (0:2), “Валенсия”да мағлубият (2:1). Ўзи валенсияликларнинг бу мавсумда ишлари жойида эмас. Шу кунгача 6 тур ўтказган жамоа 2 марта ғалабага эришган бўлса, 1 марта дуринг ўйнаган. Қолган 3 тасида эса мағлубият, 7 очко. “Эльче” ҳам 7 очкога эга, бироқ жамоа бу учун 4 ўйин сарфляган (2 ғалаба, 1 дуранг, 1 мағлубият).

Ўзаро ўйинлар: Ла лига доирасида икки жамоа ўзаро 42 маротаба куч синашишган бўлса, шундан 12 тасида “Эльче”, 21 тасида “Валенсия” ғалаба қозонган. 9 мартада эса жамоалар дурангга имзо чекишган. Тўплар нисбати: 35-64.

Жамоаларнинг жароҳатланган футболчилари:
Хосема Санчес, Нино, Лукас Бое, Мигел Гарридо, Гвидо Каррило (“Эльче”). Жоффрей Кондогбиа, Эляким Мангала (“Валенсия”).

24.10 19:00 (Тошкент вақти) “Барселона” – “Реал Мадрид”

Ла Лига 7-тур учрашувларининг иккинчи баҳси шубҳасиз турнинг марказий ўйини – “Эл классико”. Барча мухлислар интиқлик билан кутган мазкур учрашувга жамоалар ўтган турда учралган мағлубият билан етиб келишди. ЕЧЛ доирасида эса “Барселона” ўз уйида йирик ҳисобда ғалабага эришган бўлса (5:1), “Реал Мадрид” “Шахтёр”га имкониятни бой бериб қўйди (2:3). Мадридликларнинг “Кадис”дан, “кўк-анорранглилар”нинг эса “Хетафе”дан 6-турдаги мағлубиятини кўпчилик айни шу ўйинга ўзларини асраш дея баҳолашди. 5-турдан сўнг турнир жадвалида пешқадам бўлиб турган пойтахт жамоаси ҳозирча 3-ўринда (10 очко). Каталонияликлар эса 9-ўринда жойлашган (7 очко) ва қизиғи “Барселона” “Реал”га қараганда 1 ўйин кам ўтказган.

Ўзаро ўйинлар: Жамоалар умумий 277 марта ўйин ўтказган ва ғалабалар бобида “Барселона” устун (115-100). Ла Лига доирасидаги учрашувларда эса “Реал” бир ғалаба эвазига устун (72-73). Тўплар нисбати эса тенг – 288-288. Шунчаки ажойиб натижа!

Жамоаларинг жароҳатланган футболчилари:
Марк-Андре тер Штегн, Матеус Фернандес, Жорди Алба, Самуэль Юмтити (“Барселона) - Эден Азар, Алваро Одриосола, Даниел Карвахаль, Мартин Эдегор, Мариано Диас (“Реал Мадрид”).

24.10 21:30 (Тошкент вақти) “Севилья” – “Эйбар”

Жамоаларнинг турнир жадвалидаги ўрнига эътибор бериб ораларидаги фарқ катталигини айтишингиз мумкин (“Севилья” 10-ўрин, “Эйбар” 16-ўрин). Лекин бир жиҳат бор, ушбу ўйиндаги “Эйбар”нинг ғалабаси уларни “Севилья”дан олдинга ўтказиб юборади. Аммо ўтган турда мағлубият аламини тотиб кўрган севиляликлар бунга йўл қўярмикин?! 6 ўйиндан сўнг 6 та тўп ўтказиб юборган “Эйбар” 5 очкога эга ва “хавфли зона”га яқин, мағлубият эса уларни аҳволини оғирлаштиради. Демак, бизни олдинда ажойиб баҳс кутиб турибди.

Ўзаро ўйинлар: 17 бор ўзаро тўқнаш келган жамоалар, шундан 12 тасини Ла Лига доирасида ўтказишган ва 6 марта “Севилья”, 2 марта “Эйбар” ғалаба қозонган бўлса, 4 ўйинда жамоалар муроса кўчасини танлашган.

Жамоаларнинг жароҳатланган футболчилари:
Жюл Кунде, Уссама Идрисси, Карим Рекик (“Севилья”). Педро Леон, Эду Эспосито, Хосе Анхел, Ресио (“Эйбар”).

24.10 21:30 (Тошкент вақти) “Осасуна” – “Атлетик Бильбао”

Ҳар иккиси ҳам 5 тадан ўйин ўтказишган, ҳар иккиси ҳам 2 мартадан ғалаба эришишган. Фақат “Осасуна” 1 дуранг ўйнагани ва қўлга киритилган 1 очко эвазига билбаоликлардан олдинда. Бироқ ўтган турда “Леванте” устидан қўлга киритилган ғалаба “Атлетик Б”га ишонч бергани табиий. Бунинг устига турнир жадвалида ҳам пастда. Тўплар нисбари 4-5. “Осасуна”да эса бунинг акси 5-4. Бир сўз билан айтганда имкониятлар тенг, ғалаба учун иштиёқ иккисида ҳам бор ва олдинда муросасиз ўйин бор.

Ўзаро ўйинлар: Ўзаро ўтказилган 37 баҳсдан сўнг устунлик билбаоликлар томонда 18-9. Қолган 10 ўйинда дуранг натижа қайд этилган. Тўплар нисбати: 53-37. Жамоаларнинг ўзаро ўйнаган сўнгги 4 баҳсига эътибор қаратсак барчасида меҳмон жамоа ғалаба қозонган.

Жамоаларнинг жароҳатланган футболчилари:
Дарко Брашанатс, Чими Авила, Лукас Торро, Роберто Торрес (“Осасуна”). Унай Венсендор, Юри Берчиче, Перу Нолоскоайн, Ибай Гомес, Кенан Кодро, Оскар де Маркос (“Атлетик Бильбао”).

24.10 23:59 (Тошкент вақти) “Атлетико Мадрид” – “Бетис”

“Бетис” 7-ўрин, “Атлетико Мадрид” 8-ўрин. Орадаги фарқ 1 очко. Ўтган тур “Бетис” учун омадиз бўлди, ўз майдонида мағлубия (0:3). 6 ўйинда 3 ғалаба, 3 мағлубият. “Атлетико” эса 4 ўйинда 2 ғалаба, 2 дуранг. Турнир жадвалида энг кам гол ўтказган жамоа, бор йўғи битта. Ва ҳали мағлуб бўлмаган ягона жамоа. Ушбу баҳсдаги ғалаба икки жамоани ҳам пешқадамлар сафига чиқариши мумкин. Ўтган мавсум “Wanda Metropolitano”даги ўйинда майдон эгалари минимал ҳисобда ғалаба қозонишганди, хўш бу мавсум қандай бўларкин?!

Ўзаро ўйинлар: 104 ўйинда 53 марта “Атлетико”, 53 марта “Бетис” ва қолган 23 учрашувда дуранг натижа. Тўплар нисбати: 173-112. Азалий рақиблар ўртасида муросасиз ўйин олдимизда…

Жамоаларнинг жароҳатланган футболчилари:
Саул Нигес, Хосе Хименес, Шиме Врсалко (“Атлетико Мадрид”). Сидней, Дани Мартир (“Бетис”).

Албатта 7-тур ўйинлари қизиқарли ўтиши ҳақида фактлар бисёр. Ушбу турда юқорида биз келтирган ўйинлардан ташқари яна 5 учрашув ҳам ўтказилади. Қуйида мазкур баҳсларнинг рўйхати билан танишинг:

25/10 18:00 (Тошкент вақти) Вальядолид : Алавес
25/10 20:00 (Тошкент вақти) Кадис : Вильярреал
25/10 22:30 (Тошкент вақти) Хетафе : Гранада
26/10 01:00 (Тошкент вақти) Реал Сосьедад : Уэска
27/10 01:00 (Тошкент вақти) Леванте : Сельта

Ольга Мешкова

Оғабек Самисов таржимаси

Ла Лига. "Эль Класико" ва бошқа ўйинлар учун превью