Барселона прокаратураси клуб ҳамда унинг собиқ раҳбарлари Жозеп Бартомеу ва Сандро Роселга нисбатан техник ҳакамлар қўмитаси (CТА) собиқ вице-президенти Хосе Мария Энрикес Негрейрага пора бериши айблови билан судга мурожаат қилганди.
Ла Лига раҳбари бу испан футболи тарихидаги энг ёмон ҳолатми, деган саволга жавоб қайтарди.
"Ҳа, ёдимда бўлганлари ичида. Бу энг жиддий муаммо ҳисобланади. CТА вице-президентига қандайдир тўловлар бўлган, “Барселона” буни тан олди. Бу қандайдир нормал ҳолат эмас. Шу сабабдан кескинлик юзага келди, буни тушунса бўлади. Ўртага футболимиз обрўси қўйилган.
Мен учун уят. Уятдаман. “Барселона”дан ҳеч қандай изоҳ йўқ. Директорлар кенгашининг дастлабки баёноти бор. Улар буни ҳамма қилган, дейишмоқда, аммо ундай эмас.
Бу вазиятда ҳужум қилиш (бошқаларга) ёки кимнидир қурбон қилиш – тўғри қарор эмас. Агар улар вазиятни аниқлаштирса, барчамизга ойдинлик киритишган бўларди”, дейди Тебас.
Изоҳлар