Учрашув кескин курашлар остида ўтди. Ўйинниг 53-дақиқасида "Барселона" жарима зарбасидан унумли фойдаланди. Неймар томонидан ошириб берилган тўпни Луис Суарес боши билан дарвозага жойлади ва ўйинда ҳисобни очди - 1:0.

Шундан сўнг "Барселона" учрашувда ташаббус билан ўйнади. Каталонияликлар ўйин давомида бир қатор имкониятларга эга бўлишди. Хусусан Неймар ва Мессида гол уриш учун қулай вазиятлар юзага келганди. Аммо "Барселона" ҳужумчилари ушбу имкониятлардан унумли фойдалана олишмади.

Учрашувнинг охирги дақиқаси ўтиб бораётган бир паллада "Реал" жарима зарбаси тепиш ҳуқуқини қўлга киритди. Лука Модрич томонидан амалга оширилган жарима зарбасидан сўнг Рамос боши билан дарвозани аниқ нишонга олди ва мувозанатни тиклади - 1:1.

Шундан сўнг "Барселона" ҳакам томонидан қўшиб берилган дақиқаларда ғалабани илиб кетишга ҳам яқин келганди. Аммо Каземиро "Реал"ни жуда қийин паллада жонига оро кирди. Айнан ушбу футболчи дарвозага кириб кетаётган тўпни дарвоза чизиғи устидан қайтариб қолишга муваффақ бўлди.

Шу тариқа ушбу "эль класико" муроса билан якун топди.

Испания чемпионати, 14-тур. Турнир жадвали.

Барселона – Реал Мадрид 1:1

(МАТНЛИ ТРАНСЛЯЦИЯ)

«Камп Ноу»

Голлар: Луис Суарес (53), Серхио Рамос (90)

Барселона – тер Стеген, Суарес, Пике, Альба, Бускетс, Маскерано, Ракитич (Иньеста, 60), Серджи Роберто, Андре Гомеш (Туран, 78), Неймар (Суарес, 87), Месси.

Реал Мадрид – Навас, Варан, Марсело, Карвахаль, Рамос, Ковачич (Диас, 86), Модрич, Иско (Каземиро, 66), Васкес, Роналду, Бензема (Асенсио, 77).

Огоҳлантиришлар: Иско (13), Неймар (28), Суарес (75), Карвахаль (80), Бускетс (83), Маскерано (89).

Ла Лига. Рамос "эль класико"да "Реал"ни мағлубиятдан қутқариб қолди