Биринчи бўлим нисбатан тенг курашлар остида ўтганига қарамай, мезбонлар маҳорат бобида рақибдан устун эканликларини исботлай олишди ва иккинчи бўлимда жавобсиз 3та гол уришди.

Карим Бензема дублга эришган бўлса, узоқ танаффусдан кейин майдонга қайтган Марко Асенсио биринчи зарбаси биланоқ рақиб дарвозасини ишғол қилди. Қайд этиш лозим Марко шунингдек учинчи голда ҳам самарали узатмани амалга оширди.

Шундай қилиб, "Реал Мадрид" ишончли ғалабани ва у билан бирга 3 очкони қўлга киритди. "Барселона" билан орадаги фарқ яна 2 очкогача қисқарди. Кураш давом этади.

Ла Лига турнир жадвали

Испания чемпионати. 29-тур
"Реал" - "Валенсия" 3:0
18 июнь, "Эстадио Альфредо Ди Стефано" стадиони
Голлар: Карим Бензема 61, 86. Марко Асенсио 74`.

"Реал Мадрид" – Куртуа, Варан, Рамос, Карвахаль, Менди, Каземиро, Кроос, Модрич, Вальверде (Асенсио, 74), Азар (Винисиус Жуниор, 82), Бензема.

"Валенсия" – Силлессен, Гайя, Мангаля, Гильямон, Васс, Солер (Черышев, 69), Кондогбиа, Парехо (Коклен, 69), Ферран Торрес (Гедеш, 59), Родриго (Ли Кан Ин, 76), Макси Гомес (Гамейро, 60).

Огоҳлантиришлар: Гайя (24), Гильямон (84).

Четлатиш: Ли Кан Ин (89).

Ла Лига. "Реал Мадрид" бу сафар иккинчи бўлимда 3та гол урди ва 3 очкони қўлга киритди