"Мағлубиятдан кейин 5 кун гапира олмаганман. Босимга тўлиб кетиб, жахлим чиқаётганди.
Сўнгги 3 йилда икки марта финалга чиқдик. Финалгача зўр йўлни босиб ўтдик ва сўнгги ўйинда бизнинг асосий мақсадимиз - бош совринни қўлга киритиш учун нимадир етишмай қолаверди.
ПСЖ қийин рақиб бўлишини билардик, уларда ишончи юқори жамоа бор эди. Бироқ бизнинг жамоа ҳам кучли эди. Финалга катта ишонч ва хотиржам бўлиб тайёрландик. Ҳа, биз жуда кучсиз кўриндик. Финалдаги ўйинимизни шундай таърифласа бўлади. Чунки ўша куни биз тайёрлаган бирор режамизни ишлата олмадик.
Ўйинни ўз томонимизга оғдира олмадик ва шу боисдан жахлимиз чиқди. ПСЖ эса бундай натижага лойиқ эди", - деди Лаутаро.

Лаутаро ЕЧЛ финалидаги мағлубият ҳақида: "5 кун гапира олмаганман"