“Мэйсон маунт “Фулхэм”га қарши беллашувда ёрқин ўйинларидан бирини намойиш этди. У кўрсатган ўйини билан мақтовга лойиқ. Ушбу баҳсда унинг роли одатдагидан бироз бошқачароқ эди. Шунга қарамай у учрашувдаги ягона голга муаллифлиқ қилди. Унинг футболга бўлган муносабати, техникаси умуман барча жиҳатлари таҳсинга лойиқ.

Мен жамоамиз сафидаги ёш иқтидорлар ҳақида гапирар эканман, у бу борада яққол ўрнак бўладиган футболчи. Ўтган ҳафтада у 22 ёшни қарши олди. Ўз вақтида мен 22 ёшимда “Челси”га келганман ва “Стемфорд Бридж”даги илк мавсумимда бу қадар ёрқин ўйин кўрсата олмаганман. Ушбу ёшда Маунт менга нисбатан кўпроқ муваффақиятга эришмоқда”, дея “Челси” мураббийининг сўзларидан иқтибос келтирмоқда Sky Sports.

Лэмпард: “22 ёшимда Маунт сингари тўп тепа олмасдим”