– Ҳеч бўлмаса бир очко олишингиз учун нима етишмади?
– Агар самарадорлик панд бермаганида натижа буткул бошқача бўларди. Биз қўрқмай ва баъзи эпизодларда "Барселона"данда яхшироқ ўйнадик. Афсуски, улар яратган 4 та вазиятидан 3 та гол уриб кетди.

– Гол урилмаган пенальти ўйиннинг боришига қанчалик таъсир қилди?
– Бу биз унумли фойдаланмаган вазиятлардан бири. Турли футболчилар баъзан пенальтини голга айлантиролмай қолишади. Биз Рохерни тўлиқ қўллаб-қувватлаймиз. Ғалабада ҳам, мағлубиятда ҳам биз бир жамоамиз. Биз астойдил тер тўкдик ва ҳозир яхши формадаги "Барселона"нинг ҳаётини маълум даражада қийинлаштира олдик.

Илк дақиқалардан биз ғалаба учун ҳаракат қилдик. Олдинда яхши прессингни амалга оширдик, рақиб жарима майдончаси олдида тўпни бир неча бор олиб қўйдик. Бироқ ғалаба қозониш учун сиз ўз вазиятларингиздан фойдаланишингиз зарур. Сабаби рақиб биринчи вазияти бўлиши билан гол уриб кетди, – деди Моралес.

"Леванте" сардори Хосе Луис Моралес: "Барса" 4 та вазият яратиб, 3 та гол урди"