Учрашувдаги ягона гол 6-дақиқада Хаукон-Арнар Харальдссон томонидан киритилди.

Бироқ учрашувда "Рома" мағлуб бўлмаслиги ҳам мумкин эди. Баҳснинг 81-дақиқасида римликлар пенальти тепиш имкониятини қўлга киритди. Артём Довбик уч марта ушбу пенальтидан гол ура олмади.

Берке Озернинг биринчи пенальтини қайтарганида жамоадоши кутилганидан вақтлироқ жарима майдончасига кириб кетгани ва у тўпни майдондан ташқарига чиқариб юборгани учун бекор қилинди.

Иккинчисида эса Берке Озернинг ўзи дарвоза чизиғидан чиқиб кетди. ВАР орқали ушбу вазият кўрилди ва пенальти қайтадан тепиладиган бўлди.

Учинчисида барчаси ҳаққоний бўлди ва дарвозабон пенальтини яна бир бор бартараф қилди. Сўнгги зарбани Матиас Соуле амалга оширганди.

"Лилль" дарвозабонидан супер қаҳрамонлик!