Ушбу учрашув учун превьюни эътиборингизга ҳавола қиламиз.

АПЛнинг 2019/20 мавсумига "Ливерпуль" - "Норвич" ўйини старт беради. Юрген Клопп шогирдлари ҳақида гапирадиган бўлсак, жамоа бир ҳафта олдин жиддий учрашув ўтказишга улгурди. "Қизиллар" Англия Суперкубоги учун баҳснинг пенальтилар сериясида имкониятни бой берди. Бу мерсисайдликларни хафа қилмагани аниқ, чунки ҳамма ҳам бу турнирга жиддий қарамайди.

Таркиб ҳақида гапирадиган бўлсак, "Ливерпуль"да жиддий ўзгариш бўлмади. Даниэль Старриж, Альберто Морено ва Симон Миньоле жамоани тарк этишди. "Қизиллар" Алиссон учун ўринбосар бўладиган Адриан билан шартнома тузишди.

"Норвич" ҳақида гапирадиган бўлсак, Даниэель Фарк жамоаси трансфер ойнасида рақибидан фаолроқ бўлди, аммо фақат жуда арзон нархдаги ўйинчилар олинди ва эркин агентлар билан шартнома имзоланди. Айтганча, "Норвич" уч йил ўтиб Премьер-лигага қайтди.

"Ливерпуль" сафида Садио Мане майдонга тушмаслиги мумкин. Сенегаллик Африка Кубогидан сўнг формасини тиклаб олгани йўқ, шу сабабли у қайдномага киритилмаса ҳайрон бўлманг.

Букмекерларнинг тахминича, ушбу учрашувда "Ливерпуль" катта устунлик "Ливерпуль" томонда.

Тахминий таркиблар

"Ливерпуль": Алиссон, Александер-Арнольд, Гомес, ван Дейк, Робертсон, Вейналдум, Фабиньо, Хендерсон, Салоҳ, Фирмино, Ориги.

"Норвич": Ферманн, Ааронс, Годфри, Клозе, Льюис, Вранчич, Трибулл, Буэндиа, Штиперманн, Эрнандес, Пукки.

Қизиқарли маълумотлар:

- Сўнгги бор бу жамоалар 2016 йил январ ойида тўқнаш келишган. Ўшанда "Ливерпуль" 5:4 ҳисобида "Норвич"ни меҳмонда мағлуб этган.

- "Ливерпуль" ўз уйида 40та учрашувдан бери мағлуб бўлмаяпти: 30та ғалаба, 10та дуранг. Серия 2017 йилнинг апрелидан бери давом этмоқда.

- Роберто Фирмино "Норвич"га қарши баҳсларда 2та гол уриб, 1та голга ассистентлик қилган. У Англия чемпионати баҳсларида яна 2та гол урса, Премьер-лигада 50та голга муаллифлик қилган биринчи бразилияликка айланади.

EPLmanager. 1-турда майдонга тушмайдиган футболчилар

"Ливерпуль" - "Норвич" (превью)