"La Gazzetta dello Sport" маълумотига кўра, туринликлар айни дамда ёзда жамоадан кетадиган Микеле Ди Грегорио ўрнига дарвозабон қидирмоқда ва айнан бразилиялик кипернинг номзоди кўпроқ қўллаб-қувватланяпти.
Қайд этилишича, "Ювентус" Алиссоннинг яқинлари билан алоқа ўрнатган ва ҳозирча муносабатлар яхши кетмоқда. Футболчининг ўзи бунга қадар "Рома"да Лучано Спаллетти қўл остида ўйнаган ва шу сабабли А Серияга қайтишга қарши эмас.
Алиссон ушбу мавсумда АПЛнинг 25 ўйинида қатнашиб, 30 гол ўтказиб юборди. Унинг клуб билан келишуви 2027 йил ёзига қадар давом этади.
