Ташкилий қўмита ўтган ой якунларига кўра, 4та номинация бўйича энг яхшиларни аниқлаб олди.

1. Энг яхши дарвозабон

2. Энг яхши футзалчи

3. Энг яхши мураббий

4. Энг чиройли гол муаллифи

Энг яхши дарвозабон - Бекзод Амануллаев (SUZANE)

SUZANE жамоасининг биринчи рақамли посбони Бекзод Амануллаев ноябрь ойининг "Энг яхши дарвозабони" деб топилди. SUZANE ўтган ой тўртта ўйинда уч бор ғалаба қозониб, бир марта дуранг қайд этишида Бекзоднинг ҳиссаси катта бўлди. Қолаверса, у кетма-кет икки бор (8-9 тур) рамзий терма жамоадан ҳам жой олди.

Номзодлар: Сирожиддин Ҳусниддинов (ISTIQLOL), Рустам Шамсимухаметов (PHOENIX), Лазизхўжа Хўжааҳматов (UZPSB).

Энг яхши футзалчи - Санжар Аухатов (SUZANE)

SUZANE жамоаси тўпурари Санжар Аухатов ноябрь ойининг "Энг яхши футзалчиси" деб топилди. Санжар ўтган ой жуда чиройли ўйин кўрсатиб, 4та учрашувда 10та гол уришга муваффақ бўлди. Шунингдек, қаторасига уч ўйинда учтадан тўп киритди.

Номзодлар: Жамшид Исаев (PHOENIX), Шуҳрат Аҳмедов (UZPSB), Камолиддин Маҳамадов (UZPOST).

Энг яхши мураббий - Равшан Ражабов (PHOENIX)

PHOENIX жамоаси устози Равшан Ражабов ноябрь ойининг "Энг яхши мураббийи" деб топилди. PHOENIX ўтган ойни Равшан Ражабов қўл остида жуда яхши ўтказиб, 3 ғалаба ва бир дуранг қайд этди. Мураббий ҳар бир ўйинга тўғри тактика танлай олди ва шогирдларига тўғри кўрсатмалар берди.

Номзодлар: Анвар Ачилов (SUZANE), Константин Свиридов (UZPSB), Зафар Муратов (ISTIQLOL).

Энг чиройли гол муаллифи - Нодир Исроилов (DHL)

DHL ҳимоячиси Нодир Исроилов ноябрь ойининг "Энг чиройли гол" муаллифи деб топилди. Нодир 8-турдан ўрин олган PHOENIX билан баҳсда ажойиб гол уришга муваффақ бўлди.

Номзодлар:

Санжар Аухатов. SUZANE - ARGIN ўйинида (7-тур)

Жамшид Исаев. PHOENIX - VOSTOK ўйинида (6-тур)

Азамат Бойматов. VOSTOK - UZPSB ўйинида (8-тур)

LLF SUPER LIGA ташкилий қўмитаси энг яхшиларни тақдирлашда фаол иштирок этган ERMAK савдо белгиси ходими Улуғбек Нарзуллаевга ўз миннатдорчилигини билдиради.

LLF SUPER LIGAда энг яхшилар аниқланди