Бугун "Бунёдкор" стадиони ҳудудидаги майдонда бўлиб ўтаётган мазкур мусобақасининг гуруҳ босқичи 2-тур учрашувлари ўтказилди. Маълумот учун, "Локобол" саралаш босқичи Тошкент минтақасидаги турнирда 12та жамоа (2007-2008 йиллар) иштирок этмоқда. Жамоалар тўрттадан уч гуруҳга бўлинган.

Ҳар бир гуруҳдан учта биринчи ўрин ҳамда энг яхши иккинчи ўрин эгаси ярим финалга йўл олади. 1 май куни ярим финал баҳслари ўтказилса, мусобақанинг ҳал қилувчи финал ўйини 2 майга белгиланган.

Қуйида 2-тур натижалари ҳамда гуруҳлар жадвалини келтириб ўтамиз.

"А" гуруҳи - “Бунёдкор”, “Пахтакор”-08, РОЗСК, “Қўқон-1912”.

1-тур. 28 апрель
“Бунёдкор” – РОЗСК 8:0
"Қўқон-1912" – “Пахтакор”-08 1:3

2-тур. 29 апрель
РОЗСК – “Пахтакор”-08 1:0
"Қўқон-1912" – “Бунёдкор” 1:15

3-тур. 30 апрель
10:00. РОЗСК – "Қўқон-1912"
11:00. “Пахтакор”-08 – “Бунёдкор”

“В” гуруҳи - “Пахтакор”, “Eden Sport”, “Chelano”, “Насаф”.

1-тур. 28 апрель
“Eden Sport” – “Насаф” 0:3
“Chelano” – “Пахтакор” 0:5

2-тур. 29 апрель
"Насаф" – “Пахтакор” 2:2
“Chelano”– “Eden Sport” 1:2

3-тур. 30 апрель
10:00. "Насаф" – “Chelano”
11:00. “Пахтакор” – “Eden Sport”

“С” гуруҳи - “Спартак-Odil Junior”, “Junior Football”, “Локомотив”, “Бунёдкор”-08.

1-тур. 28 апрель.
“Спартак-Odil Junior” – “Локомотив” 0:2
“Бунёдкор”-08 – “Junior Football” 2:3

2-тур. 29 апрель
“Локомотив” – “Junior Football” 1:1
“Бунёдкор”-08 – “Спартак-Odil Junior” 0:1

3-тур. 30 апрель
9:00. “Локомотив” – “Бунёдкор”-08
9:00. “Junior Football” – “Спартак-Odil Junior”

Маълумот учун, ушбу мусобақа халқаро фестивал ҳисобланиб 2007 йилдан буён ўтказиб келинмоқда. Фестивалнинг Суперфинал ўйинлари "Россия темир йўллари" ҳамда Россия болалар футболи Лигаси ҳамкорлигида ташкил этилади.

Ўтган 11 йил мобайнида "Локобол" мусобақаси Россиянинг 79 шаҳрида ўтказилган бўлиб, Камчаткадан тортиб то Калининградгача бўлган ҳудудларни қамраб олди. Умумий ҳисобда шу вақтгача мазкур турнирда 500 мингдан зиёд футболчи иштирок этган.

Мана энди Ўзбекистон футбол ассоциациаси қошидаги Тошкент шаҳар футбол федерацияси ташаббус кўрсатган ҳолда Россия болалар футбол Лигасининг Марказий Осиё бўйича иш юритувчиси "Море футбола" компанияси билан "Локобол" саралаш турнири биринчи босқич ўйинларига мезбонлик қилиш ҳуқуқини қўлга киритди.

Умумий ҳисобда мазкур мусобақанинг биринчи босқич учрашувлари 90та шаҳарда бўлиб ўтади. Кейинчалик 90та чемпион саккизта ҳудудда супер ФИНАЛ чиптаси учун баҳс олиб боради. Тошкентда бўлиб ўтаётган финал ғолиби Новосибирск шаҳрида, "Германия – 2006" ҳудудидан жой олади. У ерга 16та шаҳар чемпионлари ташриф буюрадилар! Бу шаҳарлар орасида Тошкент ҳам бор!

Новосибирск шаҳрида бўлиб ўтадиган 2-босқич финалига чиққан иккита жамоа МОСКВА йўлланмасини қўлга киритади! Ёш футболчиларимиз Москвагача боришади деган умиддамиз!

"Локобол" саралаш мусобақаси. 2-тур натижалари