Турнир жадвалида 9-ўринни эгаллаб турган “Ал-Файсали” меҳмони бўлган жиддаликлар 64-дақиқага келиб ўз дарвозаларидан гол ўтказиб юборишди. Мезбонларнинг гвиеналик футболчиси Ҳавьер Балбоанинг пасини бразилиялик Адриано де Паула голга айлантира олди.

Шундан кейин устунлик “Ал-Иттиход” томонига ўтди. Ўтказиб юборилган голга тўрт дақиқа тўлиши билан венесуэлалик Ҳавьер Ривас шериги Абдулфаттоҳ Асирига голли пас узатди. Легионер қолган дақиқаларда ҳам яхши ҳаракат қилиб, меҳмонларнинг ғалабасига беназир ҳиссасини қўшди.

Жумладан, 82-дақиқада Ривас белгиланган пенальтини аниқ амалга ошириб, “Ал-Иттиход”ни ҳисобда олдинга олиб чиққан бўлса, 88-дақиқада дублини расмийлаштириб, ўйинга мантиқий якун ясаб берди. Ривас Осиё чемпионлар лигасининг плей-оффида ҳам гол уриб, жамоасининг гуруҳ босқичига қўшилишига ёрдам берганди.

Шу куни “Ал-Иттиход” сафида Ривасдан ташқари руминиялик Лусиан Санмартин, ганалик Салли Мунтари ҳамда Амирликлардан бўлган Мажид Ал-Ҳайбари каби легионер йигитлар ҳам ҳаракат қилишди. Мазкур ғалабасидан кейин клуб очколари сонини 35 тага етказиб, турнир жадвалида учинчи бўлиб турибди. Пешқадам “Ал-Ҳилол” ҳисобида 40, кейинги ўриндаги “Ал-Аҳли”да 38 очко мавжуд.

Эслатиб ўтамиз, бугун “Локомотив” Дубайдаги навбатдаги ўртоқлик ўйинини Хитой Супер лигаси вакили “Чанчунь Ятай” клубига қарши ўтказади.

"Ал Файсали" - "Ал Иттиҳод" 1:3
Голлар: Адриано Пардал 64 - Абдулфаттоҳ Асири 68, Ривас 82 пенальти, 88.

"Локомотив": Ҳавьер Ривас “Ал-Иттиход”га ғалаба келтирди