- Эртага биз ўз ўйинимизни кўрсатишимиз талаб этилади. "Челси"га қарши ўйнаш осон бўлмаслиги тайин. Уларни мағлуб этиш эса анча қийин иш. Охирги икки йил ичида бу жамоа билан тўқнаш келяпмиз. Биринчисида улар бизни мусобақадан чиқариб юборишганди, ўтган йили эса аксинча. Бу натижалар жамоалар савияси бир даражада эканлигидан далолат. Плей-офф ўйинларида ғалаба қозониш учун сифатли ўйин намойиш этиш лозим. Европа чемпионлар лигасининг ушбу босқичида энг қизиқарли ўйинлар бўлиб ўтади. Мураббийлар, жамоалар ва футболчилар учун ҳам энг муҳим баҳслар энди бошланмоқда. Бу биз ва барча мухлислар учун жуда қизиқ. Мен "Челси"га қарши учрашувга барча футболчиларимни майдонга тушира оламан ва уларга ишонаман. Футболчиларимнинг бор эътиборлари ушбу тўқнашувга қаратилган.

Лоран Блан: "Челси"га қарши ўйнаш осон иш эмас"