"Реал Мадрид" клуби украиналик дарвозабон Андрей Лунин билан янги шартнома имзолашга жуда яқин турибди. Янги келишув 2028 йилга қадар амал қилади. Лунин "Реал"да асосий дарвозабон сифатида ҳаракат қилаётганини инобатга олган ҳолда унинг маоши ҳам шунга яраша оширилади. Музокаралар ўзининг якуний босқичида. Маълумот учун, Луниннинг "Реал" билан амалдаги шартномаси 2025 йилга қадар мўлжалланган.

Эслатиб ўтамиз, жамоанинг асосий дарвозабони Тибо Куртуа жароҳат олгандан сўнг Лунин асосий дарвозабонга айланиб олди. Иккинчи дарвозабон сифатида клубга олиб келинган Кепа Аррисабалага эса рақобатда Лунинга ютқазди.

Ушбу мавсум Лунин барча мусобақаларда 29 та ўйин ўтказишга улгурди.

Лунин "Реал Мадрид" билан узоқ муддатли янги шартнома имзолайди