Чемпионатда учинчи ўринда бораётган "Атлетико" ўз майдонида пешқадам "Реал"ни қабул қилади. Баҳс жуда қизиқарли кечишига шубҳа йўқ. Жамоаларнинг биринчи даврадаги учрашувида Диего Костанинг урган голи "Атлетико"га уч очко келтирганди. Карло Анчелотти шогирдлари "Барселона" ва "Атлетико" билан ўртадаги фарқни оширишга ҳаракат қилишлари аниқ.

Тўпурарлар пойгасида 22та гол урган Роналду биринчи, ундан битта кам тўп киритган Диего Коста иккинчи ўринда бормоқда.

«Атлетико» – «Реал Мадрид»
2 март 2014. 21:00 (Тошкент)
"Висенте Кальдерон" стадиони
Бош ҳакам: Карлос Дельгадо Феррейро
Ёрдамчи ҳакамлар: Айтор Риос Перес, Андони Уэрга Серменьо
Захира ҳаками: Карлос Лопес Лопес

Тахминий таркиблар:
"Атлетико": Тибо Куртуа, Диего Годин, Хуанфран, Миранда, Филипе Луис, Арда Туран, Габи Фернандес, Марио Суарес, Коке, Диего Коста, Давид Вилья.
Жароҳат олганлар: Хави Манкильо, Тиагу Мендеш

"Реал": Диего Лопес, Марсело, Даниеэль Карвахаль, Пепе, Серхио Рамос, Гарет Бэйл, Хаби Алонсо, Лука Модрич, Анхель Ди Мария, Криштиану Роналду, Карим Бензема.
Жароҳат олганлар: Сами Хедира

Статистика
Бу икки клуб Испания чемпионатлари тарихида 153 марта тўқнаш келишган. "Реал" 85 марта ғалаба қозонган, "Атлетико" 36 бор зафар қучган. Қолган 32та баҳс дуранг ҳисобида тугаган. "Реал" 277та гол урган ва 203 бор тўп ўтказиб юборган.

"Атлетико" ўз майдонида охирги марта "Реал"ни 1999 йилда мағлуб этган. Шундан сўнг бўлиб ўтган 12та ўйинда "матрасчилар" 2 бор дуранг ўйнаган ва 10 марта имкониятни бой берган.

Талаб истакларга биноан ўйиннинг матнли трансляциясини сайтимиз орқали кузатиб боришингиз мумкин.

Нарзулла Сайдуллаев тайёрлади.

Мадрид дербиси олдидан