70 йил олдин (1947 йил) айнан шу куни ушбу аренанинг очилиш маросими бўлиб ўтган.

1940 йилларнинг ўрталарида "Чамартин" стадиони "Реал"га торлик қилиб қолди.

1944 йилнинг 22 июнь куни банк Сантьяго Бернабеу ва Рафаэль Сальгадога эски арена олдидан ер харид қилиш учун кредит ажратди. Ўша йилнинг 5 сентябрь куни эса янги стадионнинг макет ва лойиҳалари тақдим этилди. 27 октябрда эса қурилиш ишлари бошланди. "Сантьяго Бернабеу" бор-йўғи 1,7 млн. евро эвазига барпо этилган.

1947 йилда очилган стадионинг номи "Нуэво Чамартин" ("Янги Чамартин") эди. "Реал" ушбу аренадаги илк ўйинда Португалиянинг "Белененсиша" клубини 3:1 ҳисобида мағлуб этди. Янги иншоотдаги илк голни Сабино Баринага урди. Аввалига ушбу стадион ўз бағрига 75145 мухлисни сиғдира оларди. Ҳозир эса 81 мингдан ортиқ футбол шинавандаси "Сантьяго Бернабеу"да севимли жамоасининг ўйинларини бемалол томоша қилиши мумкин. 1955 йилда "Нуэво Чамартин" стадиони номи клуб собиқ футболчиси ва президентига атаб "Сантьяго Бернабеу" деб ўзгартирилди.

Ҳозиргача ушбу аренада 8та финал ўтказилган ва уларнинг 3тасида "Реал" иштирок этган.

1957 — Европа Чемпионлари Кубоги финали («Реал» — «Фиорентина» — 2:0)
1964 — Европа чемпионати финали (Испания — СССР — 2:1)
1969 — Европа Чемпионлари Кубоги финали («Милан» — «Аякс» — 4:1)
1980 — Европа Чемпионлари Кубоги финали («Ноттингем Форест» — «Гамбург» — 1:0)
1982 — Жаҳон чемпионати финали (Италия — ФРГ — 3:1)
1985 — УЕФА Кубоги финали («Реал» — «Видеотон» — 1:0)
1986 — УЕФА Кубоги финали («Реал» — «Кёльн» — 5:1)
2010 — УЕФА Чемпионлар лигаси («Бавария» — «Интер» — 0:2)

Мадрид рамзи 70 ёшга тўлди. "Сантьяго Бернабеу" ҳақида