"Локомотив" футболчилари Ўзбекистон Республикаси биринчи президенти Ислом Каримов хотирасига бағишланган "Гўзал ва бетакроримсан, муқаддас Ватаним, жоним сенга фидо, Ўзбекистон" шиори остида ташкил этилган маҳалла болалари ўртасидаги мусобақанинг финал учрашувига ташриф буюдилар ва ғолибларни тақдилаш маросимида қатнашдилар.

Ушбу мусобақада "Бирлик" маҳалласи болалари ғолибликни қўлга киритди ва ташкилотчилар, "Локомотив" футбол клуби вакиллари томонидан тайёрланган совға, медаллар ва кубоклар билан тақдирландилар.

Маҳалла болалари, мухлислар ва маҳалла етакчилари томонидан "Локомотив" футбол клубига омад тиладилар. Жамоа сардори Тимур Кападзе, Олег Зотеев, Артур Геворкян ва Санжар Шоаҳмедов мусобақа сўнгида болажонлар билан эсдалик учун суратга тушдилар ва ўз дастхатлари билан болажонларни хурсанд этдилар.
Бундай мусобақаларни ташкил этилиши юртимизда соғлом авлодни янада баркамол камол топишида яхши хизмат қилади. "Локомотив" футбол клуби бундай кичик ёшдаги болалар ўртасидаги ҳар қандай мусобақаларни қўллаб-қувватлайди ва қўлдан келганча ўз ёрдамини аямайди.

Маҳалла болалари ўртасидаги мусобақада "Бирлик" ғолиб бўлди