Бугун ҳар доимгидек Фарғона вилояти жамоалари ўртасида кечадиган муросасиз баҳслардан иборат учрашув гувоҳига айландик. Буни яққол исботи мана ҳисобда акс этиб турибди. Ҳар икки жамоа аъзолари майдонда жуда фаол ҳаракат қилишди. Бугунги кун мухлислари айнан мана шундай томошабоп ўйинларни яхши кўришади.

Жамоамиз таркибида иқтидорли ёшлар талайгина, бизнинг асосий мақсадимиз ҳам ўзбек футболи ривожига нафи тегадиган ёшларни тарбиялашдан иборат. Кейинги ўйинларда янада кўпроқ ёш футболчиларни майдонга туширмоқчимиз, бу уларни янада тажрибали бўлишларига хизмат қилади. Жамоамизнинг тажрибали футболчиси Акмал Холматов - ҳақиқий етакчи, бугун унинг сафимизга қайтиши футболчиларимизни янада руҳлантирди. Бу футболчи ортда қолган турларда жамоамиз футболчиларини доим руҳлантириб келган, у майдондаги мураббий, ўйновчи мураббий деб айтсак тўғрироқ бўлади.

Барча мухлислармизга бизни қўллаб-қувватлаб турганликлари учун миннатдорчилик билдираман.

Бекзод Толибов ёзиб олди.

Маҳмуджон Маткаримов: "Акмал Холматов - ҳақиқий етакчи"