Манба берган хабарга кўра, томонлар 24 ёшли ҳужумчининг трансфери бўйича келишувнинг барча шартларини келишиб олган. Трансфер суммаси ошкор қилинмаган.

2017 йилнинг августида ПСЖ Мбаппени "Монако"дан ижарага олганди, бир йил ўтиб эса ҳужумчини 180 миллион еврога сотиб олди.

Парижликлар билан бирга футболчи беш марта Франция чемпиони бўлди, уч марта мамлакат кубогини қўлга киритди ва икки мартадан мамлакат Суперкубоги ва Франция Лига Кубогини қўлга киритди. Ҳужумчи ПСЖ тарихидаги энг яхши тўпурар (212 та гол) ҳам саналади.

У 2022/23 йилги мавсум барча мусобақаларда 43 та ўйинда майдонга тушиб, 41 та гол урди ва 10 та голли узатмани амалга оширди. Футболчининг клуб билан шартномаси 2024 йилнинг июнь ойи охиригача амал қилади.

Манба: "Реал" ва ПСЖ Мбаппе трансфери бўйича келишувни ёпишди