Ўзини Фабрицио Коронанинг инсайдери деб таништирган номаълум эркак Италияда бошланган пул тикиш можароси ҳақида "La Gazzetta dello Sport" нашрига изоҳ берди. Эслатиб ўтамиз, бу мавзуни оммавий ахборот воситаларида тарқатган Корона эди.

Маълумот берувчи Никола Залевскийнинг ноқонуний "ставка"лари ҳақидаги фактларни шунчаки тўқиб чиқарганини тан олди. "Рома" футболчиси А Серия учрашувларидан бирида сариқ карточка олишга пул тиккани хабар қилинганди.

Информаторнинг айтишича, Фабрицио Коронанинг ўзи унга маълумот учун 20 минг евро таклиф қилган ва ҳатто тасдиқлашни ҳам сўрамаган.

Манба: "Рома" футболчисига пул тикиш билан боғлиқ қўйилган айблов туҳмат эди