Манчестер дербисидан сўнг Моуриньо сув идиш билан Эдерсоннинг бошига зарба берди

DailyMail нашри ушбу воқеани тўлиқ ўрганиб чиқди ва ушбу ходисанинг схемасини тузиб чиқди.

Қизил узуқ чизиқ - Моуриньо йўли

Бўлинмаган қизил чизиқ - МЮ футболчилари йўли

Бўлинмаган кўк чизиқ - "Сити" футболчилари йўли

Қора чизиқ - сув идиш йўналиши

Рақамлар кетма-кетлиги орқали воқеалар ривожи акс эттирилган.

1. "Манчесте Сити" футболчилари ғалабани катта шовқин билан нишонлашаётганди. Буни эшитиб, ғазабланган Жозе Моуриньо МЮ кийиниш хонасидан чиқиб, "Сити" кийиниш хонасига йўл олади ва ичкарига кириб "Сизлар бошқаларни ҳурмат қилмайсиз" дея бақиради.

2. Бу сўзлардан сўнг "Манчестер Сити" посбони Эдерсон Моуриньога жаҳл қилади ва улар инглиз ва португалчада сўкинишни бошлашади.

3. Моуриньо Эдерсонга сув пуркашни бошлаганда, унинг бошига сув идиш тегади. Буни кўрган МЮ вакилларидан бири "қизил иблислар" кийиниш хонасига кириб, Моуриньога ҳужум қилишганини айтади.

4. Кийимини алмаштираётган Маркос Рохо хонадан отилиб чиқади. Антонио Валенсия эса "шаҳарликлар"нинг бу қилиғидан ғазабланади.

5. Рохо ва Валенсиядан сўнг Эррера, Рашфорд, Туанзебе ва Шоудан ташкил топган гуруҳ қўшни хона томон йўл олади. Катта муштлашув кутилаётганди.

6. Венсан Компани бошчилигидаги бир гуруҳ футболчилар рақибларни кутиб олишди. Жанг бошланди, Фернандиньо эса муштларини ишга солди. Кутилмаганда яна бир сув идиши улоқтирилади ва у "Манчестер Сити" мураббийларидан бири Микел Артетага тегади.

7. Бошқа футболчилар ҳам муштлашувга қўшилиб кетишди. Йўлакдаги ҳолат худди регби спорт туридаги тўп учун курашга ўхшарди.

8. Майдонга тушмаган МЮ сардори Майкл Кэррик жанжалга аралашиб, футболчиларни ажратишга уринади. У "шаҳарликлар"ни ҳурматсизликда айблаб, "Юнайтед" футболчиларини кийиниш хонасига олиб кетади.

Сураткашлар Артетанинг юзидаги зарба изини кўриш учун "Манчестер Сити" машғулот базаси дарвозаси олдига йиғилишди ва ичкарига кириб кетаётган мураббийни суратга олишди.

Микел Артета сураткашларга юзини кўрсатмасликка ҳаракат қилди. Демак, жанжал пайтида у ҳақиқатдан ҳам зарба қабул қилган.

Манчестер дербисидан сўнг муштлашув. Аслида нима бўлган эди? (+ФОТО)