Хабарларга кўра, музокаралар якунловчи босқичга етиб келган. "Шаҳарликлар" раҳбарияти бошқа клубларни ҳам танлаши мумкин эди, аммо "Мумбай Сити" уларга энг ёққан вариант бўлди.

"Биз ҳақиқий футбол ҳиссини уйғотадиган бир неча бозор ва давлатларга қизиқиш билдирдик. Бизни Хитой ва Ҳиндистон кўпроқ қизиқтирди. Аммо биз 2 йилдан буён Ҳиндистонга аҳамият бераётган эдик. Менимча, шу йили бу давлат клубига инвестиция киритамиз", - дейди "Манчестер Сити" ижрочи директори Ферран Сориано.

Айтиб ўтиш керакки, "Манчестер Сити"га эгалик қиладиган City Football Group "Нью-Йорк Сити" (АҚШ), "Мельбурн Сити" (Австралия), "Торке" (Уругвай) ва "Сичуань" (Хитой) клубларига ҳам раҳбарлик қилади.

Шунингдек, "Жирона" (Испания) акцияларининг қўшма назорат пакети ва "Йокогама Маринос" (Япония)нинг ҳам озчилик акция пакети айнан шу компанияга тегишлидир.

"Манчестер Сити" раҳбарияти Осиё клубини сотиб олади