Манчестер Юнайтед – Челси 1:1
"Олд Траффорд"
Голлар: Фернандеш (70-п), Кайседо (74).
Манчестер Юнайтед – Онана, Мазрауи, Мартинес, де Лигт, Диогу Далот, Угарте (Линделеф, 84), Каземиро, Рэшфорд (Диалло, 72), Бруну Фернандеш, Гарначо, Хейлунд (Зиркзе, 83).
Челси – Санчес, Жеймс, Колуилл, Фофана, Гюсто (Кукурелья, 46), Лавия (Фернандес, 70), Кайседо, Палмер, Нету, Мадуэке (Мудрик, 70), Жексон.
Огоҳлантириш: Гюсто (37), Угарте (42), Рэшфорд (67), Каземиро (85), Мартинес (90+3), Диалло (90+5).

ЯНГИЛАШ

УЧРАШУВ ЯКУНЛАНДИ! МЮ ўз майдонида дуранг ўйнади. Тен Хагсиз иккинчи ўйинда ҳам манкунианликлар мағлуб бўлишмади.

90+6. УХХХХХХ!! Гарначонинг қанотдан узатмасини ҳимоячи бурчакка чиқариб юборди. Акс ҳолда Зиркзе ҳисобни ўзгартириши мумкин бўлганди.

90+5. Пальмер икки рақибини алдаб, дарвоза томон зарба йўллади. Ҳимоячилар тўпни қайтаришди.

90+3. Лисандро огоҳлантирилди. ВАР вазиятга аралашиб, қизил берилиши мумкинлигини кўриб чиқди. Бироқ қарор ўзгармади.

Ўйинга 4 дақиқа қўшилди.

90. Брунунинг зарбаси гол бўлиши учун дарвозани қанчалик даражада катталаштириш керак экан-а? Ёки регби дарвозасини олиб келамизми)

89. ЗАРБАААААААА! Гарначонинг зарбаси бироз ноаниқ кетди.

87. Пальмер қанотдан Онана дарвозаси томон узатма амалга оширди. Андре тўпни ушлаб олди.

84. Майдонга тушган заҳоти Зиркзе ҳужумда кўриниш берди. Ҳимоячилар бир амаллаб Жошуани тўхтатишди.

83. Нистелрой таянч ярим ҳимоячиси Угарте ўрнига Линделефни туширди. Режа - гол ўтказиб юбормаслик (шекилли).

78. ГАРНАЧОООО!! Ўткир бурчакдан Санчес дарвозасига гол урмоқчи бўлди. Зарба рақибига тегиб, майдондан чиқиб кетди.

76. "Челси" ҳисобда олдинга чиқиб олиши мумкин бўлганди. Энцо деярли бўш дарвозага тўпни аниқ йўлантира олмади.

74. ГООООООООООЛЛЛЛЛ!! Кайседо тезкорлик билан ҳисобни тенглаштирмоқда!

72. Нистелрой ҳам ўйинга таъсирини ўтказишни бошлади. Рэшфорд ўйиндан олинди ва Диалло ўйинга туширилди.

71. "Челси" ўзгариш амалга оширмоқда. Лавия ва Мадуэке учун ўйин якунланди. Энцо ҳамда Мудрик миссияни бажариш учун майдонга тушмоқда.

70. ГОООООЛЛЛЛЛ!! Бруну пенальтидан ҳисобни очмоқда!

68. ПЕНАЛЬТИ! "Челси" дарвозаси томон! Санчес Хойлундга қарши фол ишлатди. ВАР вазиятга аралашмоқда.

66. ХАВФЛИ ВАЗИЯТТТТ! МЮ ажойиб ҳужум уюштирди. Бруну зарба нуқтасида турган Гарначони тўп билан таъминлади. Алехандро эса гол ургиси келмаяпти шекилли, тўпни Санчеснинг қўлига ташлаб берди.

65. Нетунинг зарбасини Онана ушлаб олди.

59. ЗАРБАААААА! Рэшфорднинг зарбасини Санчес ушлаб олди.

55. ЗАРБАААААА! Нетунинг зарбаси "нито" кетди!

53. Рис Жеймс бурчакдан тўпни оширди. Каземиро баланд сакраб хавфни бартараф қилди.

50. Каземиронинг зарбасини рақиб қайтарди. Каземиронинг ўзига тўп келиб тушди ва Рэшфорд томон тўпни оширди. Рэши оффсайд ҳолатида қолиб кетганди.

46. Иккинчи бўлим бошланди!

Танаффус!

45+2. ЗАРБААААААААА! Каземиронинг узатмасидан кейин Рэшфорднинг зарбаси дарвоза тўсинини титратди.

Биринчи таймга 2 дақиқа қўшилди.

42. Тезликдаги Пальмерни йиқитган Угарте огоҳлантирилди. "Челси"да хавфли нуқтадан жарима зарбаси.

39. Рақиби дарвозаси ёнида МЮ босим уюштирди. Фернандешнинг жаримадан йўллаган зарбасини жонли девор, Гарначонинг узатмасини ҳимоячилар, Фернандешнинг ҳаводан узатган тўпини дарвозабон қайтарди.

37. ЗАРБААААААА!! Угарте ҳужумдаги шериги Хойлунд томон тўпни оширди. Расмуснинг зарбасини посбон қайтарди. Угартега қарши фол ишлатилгани учун Гюсто сариқ карточка ишлаб олди.

35. УХХХХХХ!! Угарте марказда тўпни Пальмерга олдириб қўйди. Тўрт ҳужумчи билан ҳужумга ўтган "Челси" уч ҳимоячига қарши чиқди. Пальмер кўп вариантлари бўлишига қарамасдан зарба йўллади. Де Лигт тўпни қайтарди.

30. Пальмер бурчакдан тўпни ўйинга киритди. "Челси" ҳужумда фол ишлатди ва ҳуштак чалинди.

27. "Юнайтед" яна тезкор қарши ҳужумга чиқди. Гарначо рақиб посбони билан бирга бир ҳолатга чиқаётганда Қанот ҳаками уни оффсайдда деб баҳолади. Лекин бу вазиятда лайнсмен хато қилди. Оффсайд йўқ эди назаримда.

24. УХХХХХХ!! "Юнайтед" тезкор қарши ҳужумга ўтиб кетди. Гарначонинг зарбасини дарвозабон ушлаб олди.

22. УХХХХХХ!! "Челси" футболчиси Хойлундга нисбатан қўпол ўйнади. ВАР пенальтини кўриб чиқди. Лекин бу вазият пенальтига тортмасди.

19. УХХХХХХ!! Онананинг паси Каземирогача етиб бормади. "Челси" футболчиси эса дарвозага аниқ зарба бера олмади.

14. УХХХХХХ!!! "Челси" бурчак зарбасига эга бўлди. Пальмер томонидан затилган тўпга аввалига Мадуэке боши билан зарба берди. Тўпни дарвоза тўсини қайтарди. Қайтган тўпга Фофана кучли зарба берди. Тўп дарвоза тўрининг ташқи томонига тегди.

9. Пальмер ҳужумда кўриниш берди. Унинг яқин масофадан йўллаган зарбасини де Лигт қайтарди.

6. Энди "Челси"нинг чап қаноти ҳужумда фаол. Пальмернинг узатмаси анчагина ноаниқ кетди.

4. "Челси" ўнг қанотдан ҳужумга ўтди. Узатилган тўпни Онана ушлаб олди.

1. УЧРАШУВ БОШЛАНДИ!

АПЛ. "Манчестер Юнайтед" ўз майдонида "Челси" билан дуранг ўйнади