BBC хабарига кўра, клуб португалиялик ҳужумчининг ёмон кайфияти бошқа футболчиларнинг руҳий ҳолатига салбий таъсир кўрсатаётгани учун уни сотиб юбориши мумкин. Қайд этилишича, Роналду жамоадошлари билан деярли мулоқот қилмаяпти ва кетиш истагини яширмаяпти.

«Манчестер Юнайтед» 37 ёшли футболчи кетмаса, жамоанинг ҳозирги муаммолари ҳал бўлмаслигидан чўчимоқда. Шунингдек, клубдагилар Роналдунинг кетиши жамоага ижобий таъсир кўрсатишига ва натижаларнинг сезиларли яхшиланишига умид билдирмоқда.

Аввалроқ «Атлетико» бош мураббийи Диего Симеоненинг Роналду трансферига қизиқиш билдираётгани ҳақида хабарлар пайдо бўлганди.

Маълумот учун, Роналду АПЛнинг жорий мавсумида 2 та ўйин ўтказиб, бирорта ҳам самарали ҳаракатни амалга ошира олмади.

«Манчестер Юнайтед» ушбу ёзда Криштиану Роналдуни қўйиб юбориши мумкин