"Манчестер Юнайтед" Англия терма жамоаси ҳужумчиси Маркус Рэшфордни қўллаб-қувватлашини билдирди, у Евро-2020 финал учрашувида Италияга қарши ўйиндан кейинги пенальтини аниқ амалга оширолмади (1:1, пенальтилар сериясида — 2:3).

"Битта зарба сени қандай футболчи ёки қандай одам эканлигингни белгилаб бермайди, Маркус. Буни ёдингда сақла.
Биз ўз уйингга қайтишингни интиқлик билан кутяпмиз", — дейилади манкунианларнинг твиттер саҳифасида.

Ўз навбатида "Арсенал" ҳам Букайо Сакани қўллаб-қувватлади, у ҳам пенальтини аниқ амалга оширолмаганди. Айнан "Уч шерлар" ярим ҳимоячиси тўп киритолмаганидан кейин Италия терма жамоаси чемпионликни қўлга киритганди.

"Футбол жуда шафқатсиз бўлиши мумкин. Аммо биз ҳар доим сенинг кучли фазилатларинг, феъл-атворинг ва жасурлигинг билан фахрланамиз", — деб ёзган "канонирлар" твиттер саҳифасига.

"Манчестер Юнайтед" ва "Арсенал" клублари Рэшфорд ҳамда Сакани қўллаб-қувватлади