Британиянинг "The Guardian" нашри АПЛнинг жорий пайтига қадар бўлган ўйинлардан келиб чиқиб ўз рейтингини тузиб чиқди. Бунда нашр мавсумнинг энг яхши ўйинчиси, мураббийи ва ўйини каби номинацияларни эълон қилди.
P.S. Бу рейтинг ва энг яхшилар фақатгина "The Guardian" нашри талқини ва бу ҳеч қандай расмий мақомга эга эмас.
Энг яхши ўйинчи сифатида "Ливерпуль" форварди Садио Мане қайд этилган. Мане Премьер-лиганинг 26 ўйинида 14та гол урган ва 9та голли пас берган.
Энг яхши ёш ўйинчи сифатида "Вулверхэмптон" вингери Адама Траоре кўрсатилган. Траоре гол+пас тизимида 11 (4+7) очко тўплаган. Испан айни пайтда 24 ёшда.
Энг чиройли гол сифатида "Манчестер Сити" ярим ҳимоячиси Кевин де Брюйненинг "Ньюкасл" билан ўйин (2:2)даги узоқдан берган зарбаси тан олинган.
"Шеффилд Юнайтед" устози Крис Уайлдер энг яхши мураббий деб топилди.
Энг яхши трансфер деб Дэнни Ингзнинг "Ливерпуль"дан "Саутгэмптон"га ўтгани ҳисобланган.
Мавсумнинг энг зўр ўйини сифатида 19-турдан ўрин олган "Вулверхэмптон" - "Манчестер Сити" баҳси қайд этилган. Ўшанда "бўрилар" Гвардиола шогирдларига ўз уйларида 0:2 ҳисобида ютқаза туриб, 55 (Адама Траоре), 82 (Раул Хименес) ва 89 (Мэтт Доэрти) дақиқаларда киритилган голлар эвазига супер камбэкни амалга оширишганди.
Шунингдек, нашр "Тоттенхэм"ни мавсумнинг энг ёмон жамоаси деб атаган.
Изоҳлар