Турнирнинг бу йилги финали Бразилиянинг 2 жамоаси ўртасида бўлиб ўтди. "Палмейрас" Брено Энрикенинг голи эвазига "Сантос"ни енгди ва мусобақа ғолибига айланди. Энг қизиғи, ўйиндаги ягона гол учрашувнинг асосий вақтига ҳакам томонидан қўшиб берилган 9-дақиқада урилди. Шу тариқа "Палмейрас" ўз тарихида 2-бор Лотин Америкасининг клублар ўртасидаги энг нуфузли мусобақасида зафар қучди (1-чемпионлик 1999 йилда қўлга киритилган).

Маълумот учун, финалда имкониятни бой бериб қўйган "Сантос" жамоаси эса мазкур турнирда 3 бор ғалаба қозонишни уддалаган (1962, 1963, 2011).

Палмейрас (Бразилия) – Сантос (Бразилия) 1:0
31 январь, 01.00, "Маракана"
Гол:
1:0 – 90+9 Брено.
Палмейрас – Уэвертон, Луан, Винья, Гомес, Маркос Роша, Рафаэл Вейга (Алан Эмперор, 90), Данило, Габриэл Менино (Брено, 85), Зе Рафаэл (Патрик де Паула, 78), Луис Адриано, Рони (Мело, 90).
Сантос – Джон, Пара (Бруниньо, 90), Лукас, Фелипе Жонатан (Веллингтон Кариока, 90), Диего Питука, Сотельдо, Луан Перес, Сандри (Лукас Брага, 73), Алисон, Кайо Жорже (Мадсон, 90), Мариньо.
Огоҳлантиришлар:
Лукас (10), Гомес (35), Винья (58), Диего Питука (70), Сотельдо (90), Маркос Роша (90), Брено (90), Алисон (90).

"Маракана"даги финал якунланди. Либертадорес кубоги "Палмейрас"га насиб қилди!