"Қўқон-1912"га қарши кечган ўйиндан сўнг "Бунёдкор" мураббийи Марат Мифтахутдинов championat.asia сайтига фикрларини билдириб ўтди.

"5 январь санасидан йиғинга киришдик. Машғулотлар режадагидек давом этмоқда. 23 январь куни Фарғонага йўл оламиз, унда "Ҳоким кубоги" мусобақасида иштирок этишимиз режалаштирилган. У ердаги учрашувларда иштирок этиш орқали бир қатор футболчиларни синовдан ўтказамиз. Мазкур турнир биз учун фойдали бўлиши шубҳасиз.
Ҳавотирга солаётган жиҳат бу ҳимоя чизиғи. Ўтган мавсум бу позицияда ўйнаган футболчилар жамоани тарк этди. Марказий ярим ҳимоядан кўнглимиз тўқ. Шунингдек таянч ярим ҳимоясига янги қўшилган легионер футболчи жамоага ёрдам беришига ишонаман. Ҳужумни кучайтириш мақсадида таклиф қилинган Иброҳим Томива айни пайтда кўрикда бўлиб турибди. Бундан ташқари Миржаҳон Мираҳмадов ва Шаҳбоз Эркинов ҳам бор. Умумий қилиб айтганда фақат ҳимояда муаммолар мавжуд",- дейди Мифтахутдинов.

Марат Мифтахутдинов: "Муаммоли чизиқ бу - ҳимоя"