Бу ҳақда футболчининг агенти Goal.com сайтига берган интервьюсида маълум қилди.

"Марк "Бавария"дан кетиш ғоясини қўллаб-қувватламайди ва "Бавария"дагилар мавсум тугагандан сўнг Маркни сотмоқчи эканликларини айтишмади.
Албатта, ҳар бир футболчи кўпроқ ўйин амалиётига эга бўлишни хоҳлайди. Аммо Марк "Бавария"га октябрда келганлигини унутмаслигингиз лозим. Ҳозир кетишни муҳокама қилиш бемаънилик бўлар эди.
Маркнинг "Бавария" билан 2025 йилгача мўлжалланган узоқ муддатли шартномаси бор. У беш ойдан кейин таслим бўладиган йигит эмас. У ўз ўрни учун курашадиган шахс", – деди Кристиан Вайн.

Эслатиб ўтамиз, Рока "Бавария"га Испаниянинг "Эспаньол" жамоасидан 9 миллион евро эвазига кўчиб ўтган эди. У ушбу мавсумда мюнхенликлар сафида барча турнирларда 10 та ўйин ўтказди.

Марк Рока "Бавария"дан кетмоқчи эмас