Кеча Қаршида жуда қалин қор ёққани ҳақида хабар бергандик. Натижада майдон қалин қор билан бурканганди. Кеча стадион ишчилари майдонга махсус материал ёпиб қўйишганди. Ҳозирда стадион ходимлари майдонни ўйинга тайёрлаш ишларини олиб боришмоқда. Хусусан майдонга тушалган махсус материални тартиб билан йиғиштириб олишмоқда.

Шунингдек, трибуналар қордан тозаланмоқда. "Марказий" стадион бугун соат 16:00да бошланажак учрашувга шай ҳолатга келтирилмоқда.

Учрашувга чиқарилган чипталарнинг катта қисми сотиб бўлинган. "Марказий" стадион кассасида ҳозирда сотувда қолган чипталар савдоси давом эттирилмоқда.

Қаршида айни пайтда ҳаво ҳарорати -8 даражада совуқ. Ўйин пайтида эса ҳаво ҳарорати +2 даражага тушиши кутилмоқда.

Шаҳбоз Беғамов ва Толибжон Қосимов
Қарши шаҳридан махсус

"Марказий" стадион майдони оппоқ қордан яшил рангга бурканмоқда ФОТО