Эвре Ренар бошчилигидаги жамоа Туринда "Ювентус"нинг Виново қароргоҳида шуғулланишмоқда. Жамоа эртага "Стадио Олимпико" стадионида Сербия терма жамоасига қарши ўртоқлик учрашувида майдонга тушади. Шундан сўнг Марокаш Ўзбекистон терма жамоасига қарши ўртоқлик ўйинида иштирок этиш учун Касабланкага йўл олади.

Марокаш Жаҳон чемпионатида Испания, Португалия ва Эрон терма жамоалари билан бир гуруҳдан ўрин олган. Улар гуруҳдаги Эронга қарши учрашувга тараддуд кўриш мақсадида ҳам спарринг рақиб сифатида айнан бизнинг терма жамоани танлашган.

Қуйида Сербияга қарши ўртоқлик учрашувига тайёргарлик кўраётган Марокаш терма жамоасининг Туриндаги машғулотидан фотолавҳаларни тақдим этамиз.

Марокашнинг Сербия ва Ўзбекистон терма жамоасига қарши ўйинлар учун чақирилган футболчилар рўйхати:

Дарвозабонлар:
Яссин Буну ("Жирона", Испания)
Мунир Муҳаммади ("Нумансия", Испания)
Аҳмад Ризо Тагнаути ("Иттиҳод де Тангер", Марокаш)

Ҳимоячилар:
Ашраф Ҳакими ("Реал Мадрид", Испания)
Жавад Ал Ямиқ ("Женоа", Италия)
Бадр Банун ("Ража Касабланка", Марокаш)
Меҳди Бенатиа ("Ювентус", Италия)
Ромаин Саисс ("Вулверхемптон", Англия)
Набил Дирар ("Фенербахче", Туркия)

Ярим ҳимоячилар:
Ҳаким Зийеш ("Аякс", Голландия)
Карим Эл Аҳмади ("Фейеноорд", Голландия)
Софьян Буфаль ("Саутгемптон", Англия)
Юнус Белҳанда ("Галатасарой", Туркия)
Файсал Фажр ("Хетафе", Испания)
Муборак Бусуффа ("Ал Жазира", БАА)
Одил Тараабт ("Женоа", Италия)
Амин Харит ("Шальке", Германия)
Софьян Амрабат ("Фейеноорд", Голландия)
Усама Ассаиди ("Твенте", Голландия)
Закариа Лабяд ("Утрехт", Голландия)
Ясин Аюб ("Утрехт", Голландия)

Ҳужумчилар:
Холид Бутаиб ("Йени Малатяспор", Туркия)
Нурдин Амрабат ("Леганес", Испания)
Аюб Эл Кааби ("Беркане", Марокаш)

Марокаш терма жамоасининг машғулотидан ФОТОГАЛЕРЕЯ