Бу ҳақда клуб матбуот хизматининг Твиттердаги расмий акаунтида маълум қилинди.

“Бугунги кундан бошлаб “Интер” сингари буюк клубнинг бир бўлаги эканлигимдан фахраланаман. Бу менга шараф бағишлайди”, дея ўз фикрларини билдириб ўтди Маротта.

Илгарироқ “Интер” ва Маротта уч йиллик келишувга эришиш ҳақида хабарлар эълон қилинганди. Унга кўра, функционер шартнома бўйича мукофот ва бонусларни қўшиб ҳисоблаганда йилиги 3 миллион евро ишлаб топиши айтилганди.

61 ёшли италиялик мутахассис сентябрь ойи охирида “Ювентус” раҳбарияти қарорига кўра Турин клубини тарк этганди. У саккиз йил “бьянконери”ларга раҳбарлик қилди. Ушбу давр мобайнида клуб етти бор Италия чемпионлигига эришда ва икки марта ЕЧЛ финалига қадар етиб борди.

Маротта “Интер” бош директори этиб тайинланди