Boy berilgan ikki ochkodan so'ng futbolchilarimiz keyingi uchrashuvda yanada jiddiy tayyorgarlikni boshladi. Bugun ertalab tiklanish mashg'ulotlaridan so'ng jamoamiz kechki mashg'ulotlarni olib bordi. Oldinda juda ham jiddiy va muhim uchrashuv turibdi. Bu o'yin ahamiyatini his qilgan yigitlar ijobiy natija qayd etish va muxlisga quvonch ulashishni maqsad qilgan. Safarda "Andijon"ga qarshi bahsga jamoamizni barcha a'zolari tayyor. 6 avgust kuni yoshlar va asosiy tarkib futbolchilari Andijonga jo'nab ketdi. Yoshlarimiz o'z o'yinini 7 avgust kuni o'tkazsa, shu kuni asosiy tarkibimiz o'yin oldi mashg'ulotlarni ham olib boradi.
Eslatib o'tamiz, "Andijon" - "Mashal" uchrashuvi 8 avgust kuni bo'lib o'tadi.
