Бу турда хар икки жамоамиз имкониятни бой берди.

Муборакда "Машъал-А" Шахрисабзнинг "Хисор" жамоасини қабул қилди. Академиямиз ёшларидан иборат жамоа 1:2 хисобида мағлуб бўлди. Учрашувнинг биринчи бўлимида рақиблар дарвозани бир марта ишғол этган бўлса, иккинчи бўлимда хар икки жамоа биттадан гол киритди. Якунда эса шахрисабзликлар ғалабага эришди. Микола Лапа шогирдларидан ягона голга Шахбоз Ботиров муаллифлик қилди.

Иккинчи лига, 14-тур.
"Машъал-А" - "Хисор" 1:2
Гол: Шахбоз Ботиров (85)
"Машъал-А": Дилшод Мустафоев, Бекзод Ахмаджонов, Нурилло Йулдашев, Бехруз Шайдулов, Хусниддин Алиқулов, Давлат Мўминов, Оллаёр Раупов, Бобур Ражабов, Элбек Бўриев, Хуршид Абубакиров.
Захирадан майдонга тушганлар: Рахим Абдуқодиров, Сиявуш Ёқубов, Шахбоз Ботиров, Зафар Акрамов, Достон Хайдаралиев, Азиз Темиров, Шахзод Сафаров.

Иккинчи учрашув Ғузорда "Шўртан-ФМ" ва "Машъал-3" ўртасида кечди. Голларга бор учрашувда "Машьал-3" чемпионатдаги дастлабки мағлубиятини қабул қилиб олди.

Иккинчи лига, 14-тур.
"Шўртан-ФМ" - "Машьал-3" 5:2
Голлар: Ойбек Жўраев, Алвеш Муродуллаев.
"Машъал-3": Рахим Давронов, Мухриддин Ризвонов, Ёдгор Назаров, Бакир Муртозаев, Руиддин Абдурасулов, Алвеш Муродуллаев, Жонибек Мирзақулов, Искандар Шодмонов, Иззат Шавкатов, Мухаммад Хамроқулов, Ойбек Жўраев.

Энди 15-турни жамоаларимиз 24 сентябрь куни ўтказади. "Машъал-3" - "Шўртан-99" , "Шўртан-ФМ" - "Машъал-А" бахслари бўлиб ўтади.

"Машъал": Иккинчи лига жамоаларимиз мағлуб бўлди